“No Hit”

Face you fears, yan ang sinasabi ko sa sarili ko pag natatakot akong gawin ang isang bagay, bukod kasi sa kailangan na eh face your fears nga eh kaya sige….luwas ka na to get NBI clearance.

Maagang nagsimula ang araw ko, nagpagising ako kay Mamsie ng 4AM pero papetiks pa sa pagbangon kaya inabot na din ng 5AM bago nakarating sa Bagong Kalsada. Akalain mo yun 5AM palang nakatayo na sa bus…ampalad palad ko talaga na ako eh 6AM patumpik-tumpik pa. Nakatayo ako buong byahe, habang yung katapat kong mga naka-upo eh humihilik na sa pagtulog sa byahe, ako eh antok na antok pero di makatulog kasi nakatayo nga. Si Kuya na katabi ko sa pagtayo sa may likuran, mukhang nililibang ang sarili sa pag-awit, nag-concert si Kuya…keri lang naman kasi paminsa-minsan ko lang sya napapansin na kumakanta. Kanina lang madilim pa…ngayon maliwanag na, andami ng sasakyan sa lansangan kaya traffic na…maya maya pa Taft na…bababaan na ako.

Sakay ako ng jeep na may karatulang kaydami at kasama dun ang NBI, pero di ko tanda san yun, bahala na si Batman…makikita ko naman sya…alerta lang, tiwala lang hahaha. Slightly traffic na din sa area na dinadaanan ng jeep….UN Avenue, baba ako kasi nakita ko na ang “National Bureau of Investigation” at may malaking karatula don na may arrow papuntang kuhanan ng NBI clearance kaya I just followed the sign. Accomplishment ko na ang makarating dun, I’m so proud of me hehe. Mabilisang lakad ako, parang paluwas pa din kahit nakaluwas na….at yun sa di kalayuan eh nakita ko na ang pinapakita sa TV na pila ng sangkatauhan…..pero bago ako pumila, sinipat ko muna yung list ng resume na ang kuhanan, like yung mga nasa Robinson’s Mall…naisip ko pa nga sa mall na lang kaya ako pumunta……na-overwhelm kasi ako sa dami ng tao. Hiwalay ang lalaki at babae sa pila kaya nilakad ko pa ang ilang dipang pila ng tao (di ko nabilang =P basta mahaba). Tapos ako ang last ng isang blink lang, maya maya andami na sa likuran ko….plano kong matapos ang isang book habang nakapila, pero hindi ako nakasimula kasi nakihuntahan ang katabi ko sa pila…alone din silang dalawa hahaha…tatlo kaming alone kaya kami ang naging barkada sa pila. Tibo yung katabi ko, yung katabi naman ni “that’s my tomboy” eh si Ate na sobrang pula ng labi gawa ng lipistik (=P nag-observe lang!). Si Ate with red lips ang tagapunta sa malapit sa gate then she will report to us ang kaganapan don, sya din ang nagsabing mag-strategize na kaming dito lang kami sa malapit pagkakuha namin ng form…aha, ang pila na ito eh kuhanan lang ng form (kako baga nama’y i-distribute na ang form habang nasa pila ang mga tao, pwede naming get 1 and pass, but NO). Dito ko lang nakitang mas madami ang lalaki kesa sa babae, mas mahaba ang pila nung mga kalalakihan….mabilis naman ang usad ng pila. Eto na, batch na namin ang pumapasok sa loob ng gate…pakita daw namin ang ID bilin nung mamang naka-megaphone….Pasok kami, may slight pila then pagbigay ng form samin, we were instructed to go back ng 1PM, HUWAT???? It’s just 8:13AM and we will go back at 1PM pa….HUWAT???? talaga!!!!…mamasyal daw muna kami….yung kasama namin “that’s my tomboy” eh may pasok pa daw ng 12NN kaya di na sya babalik, then we help her asked if pwede yung form for bukas or if pwede yun sa mall na kuhanan…pwede daw kaya yun bawas na ang triplets =P pero since matagal ang waiting time, paglabas naming tatlo sa gate..kanya kanya na kaming buhay….

Naisip kong mag-Divisoria muna then balik na lang ng 1PM but then narealize ko, anong sistema pag naka-fill up ka ng form? Kaya nag-usisa ako sa mga may forms na, nakapila na sila….hindi din nila alam ang mangyayari pero sila eh sinabihang bumalik ng 12 naman. Tumambay muna ako sa pilahan at was trying to fill up my form ng chikahin ako ng nasa unahan ko sa pila…Anong oras pa daw ako don, taga-saan daw ako at ng malaman nyang Laguna, sya din daw Laguna, sa Cabuyao daw sya…sabi ko ako naman eh Calamba then she kwento na about mas mabilis daw sa Calamba then I told her na galing na nga ako dun at dito nga sa main ako pinapunta. Kala nya kailangan ko ang clearance papuntang abroad, sya kasi dun nya gagamitin…ito ang kwento nya….(pero di ko na-ask ang name nya =P)

“Isa syang DH sa Saudi, two years na sya dun, umuwi for Pasko at now eh nagpapa-taas ng sweldo sa dati nyang amo or mag-try syang mag-Dubai or Hongkong pero if taasan daw ng amo nya sa Saudi ang sweldo nya eh di dun ulit sya kasi kilala na nya at gamay na nya dun. Sabi nya all-around sya, laba, linis, luto at alaga ng bata… sa kontrata meron daw silang day off pero sa totoong buhay wala namang day off. Wala din syang pasyalan naman don kaya ok na din sa kanya. Sa two years daw nya dun, bahay ng amo at airport lang ang narating nya.”

Nung nag-stop na syang magkwento at narealize kong di ako makakapag-concentrate sa pag-fill up ng form ko at gusto ko ding mag-breakfast, nagpaalam muna ako sa kanya….Babalikan ko sana ang McDo sa may main road kaso nakita ko ang KFC kaya dun na lang ako..mas malapit para pwede ko pang usisain ang susunod kong step…I have a feeling na wala kasing saysay na papabalikin kami ng 1PM tapos wala man lang number or anything sa form, so something’s wrong, I mean anong assurance na pagbalik ko at pagpakita ng form eh moving on na ako…..anyways, breakfast muna.

Sa KFC, walang bakanteng table na maliit lang kaya sa long table ako, pumwesto ako sa gilid, kasi kung di ako babalik kagad sa pila eh balak kong tumambay don at magbasa ng book pagkatapos kong mag-fill up ng form. Di pa ako nagsisimulang kumain, may tumapat sakin na pretty girl. Tuloy lang naman ako sa pagtimpla ng kape then I look and smile at her. Tapos nung nag-start na akong kumain, ni-ask nya ako

Pretty girl (PG): galing din po kayong NBI?

Ako na pretty din (ANPD): OO, pero nakakuha palang akong form. Ikaw?

PG (parang patay gutom lang =P): Tapos na po ako, iniintay ko na lang si Papa (as in Tatay nya) kasi mas mahaba ang pila nila kaya nauna po ako sa kanya.

ANPD: HUWOW!!! buti ka pa! Anong oras pa kayo dito?

PG: Nakapila na kami ng 4:30AM, kayo po?

Ako (na nga lang): bago mag-8AM ako andito

PG: San po kayo galing?

Ako: taga-Laguna ako, sa Calamba

PG: anlayo nyo pa po pala, wala po ba don?

Ako: sa Sta. Rosa, kaso mas ok daw na dito na sa main

PG: Sabagay, oo nga po, kasi kami eh nanggaling na din sa Las Piñas, wala kaming nakuha kaya po dito kami pumunta, akala nga namin mahaba ang byahe, mga 1 hour lang naman po andito na kami.

Ako: Mahaba na din ang pila kaninang madaling araw?

PG: Opo, yung iba kasi kagabi pa andito..sa mall din daw po dapat dun ka na matulog para kinabukasan na kuhanan.

Ako: Naku, anong oras kaya ako matatapos eh 1PM pa daw ako bumalik tapos wala mamang pila pa sa may form na.

PG: mabilis naman po ng mag-move pag nasa loob na kayo, organized naman po sila..pero Ate bumalik ka na dun sa pilahan kahit wala pang 1PM.

Ako: Ah sige, salamat ha!

Then nag-fill up ako ng form, sya naman busy sa cellphone then maya maya umalis sya sa upuan…kala ko umalis na sya…maya maya pagbalik may dalang water for the both of us…hehe answeet! Nag-thank you ako siempre.

Pagkatapos kong mag-fill up, nagpaalam na ako sa kanya kasi babalik na akong pilahan at nag-thank you ulit ako sa pagbigay nya ng water…Weewee lang ako then ayos ng itsura, at yun na ready to pila again.

Hanap ako ng mga taong meron ng form, at sa kanila ako naki-tambay, di sila kumikilos, I’m thinking ano kayang gagawin ng mga taong may form…feeling ko talaga kasi dapat makapasok na kami…then was about to go sa may gate ang ask the manong na nagpapasok on what to do? Pero bago pa ako makapag-ask eh nagulat ako na yung pila ngayon na kumukuha ng forms eh hindi na nila pinapalabas after kumuha ng form..deretso na sila sa loob, kaya naman magrereklamo na sana ako ng may nauna nang nagreklamo for me and the likes of me….Bakit po sila deretso na sa loob, bakit kami kanina pagkakuha ng form pinalabas at sinabihang bumalik ng 12? Sagot ni Manong na may megaphone: Ah sandali ha, sige pila lang kayong may mga form jan at isusunod na namin kayo.

Nakipila ako sa slightly unahan ng magulong pila ng mga may forms na….then may isang group ng girls na sumugod sa may gate at sinabing may from na sila dun sa isang Mama na malapit sa gate na-naka-white barong (iba pa sya dun sa Manong na may megaphone) pagkasabi nya na sige gawa kayo ng pila jan, alerta ako kaya nakisunod ako sa pila nila…reklamo yung isa pang pila na magulo na pinagawa nung manong na may megaphone…deadma naman ang mga mas malapit sa gate then pinapasok na kami kasi mas maayos ang pila namin. Tinuro kami sa pila ng mga babae...Step 1 dapat ito sa natural na flow ng NBI clearance, pagkakuha ng form, dito ang pila na may upuan at pag-fill up ng forms. Since natapos ko na yun, hindi na ako kumahog. Para kaming gumagraduate kasi iikutan mo yung upuan na parang Kennon road ng pa-Baguio..tinutugtugan ko na nga ang sarili ko ng pang-graduation march. Then natapos ang pagkilos kaya naka-upo kami…pero saglit lang yun then move na ulit…mas mabilis ang movement ng mga girls…kaya naman nung konti na kami sa pilahan eh sigawan yung mga lalaki ng “Oh kami naman”.

Nakarating kami sa loob ng main hall, kung saan nagsisimula ang Step 2, which is the checking of data entry sa form. Andaming tao, pero maayos ang pila…naka-upo ang lahat ng babae, ang mga lalaki, nakatayo habang pumipila. Then may entertainment showcase dito, may magiting na naka-barong na nag-a-announce ng what to do at what to do next…sabi din nya na if walang hit eh makukuha din today ang clearance. Ni-explain din nya ang hit eh meron silang nakitang kapangalan mo kaya lalagyan nila ang likod ng resibo mo ng date, yun ang date kung kelan ka babalik. 115 daw ang bayad, maghanda na din daw ng barya para mabilis. Then he announce na if buntis, senior citizen, may kapansanan…hindi na kailangang pumila, pumunta na dun sa kanya at hindi sila pinapapila. At may promo of the day sila, kung sino daw ang may birthday sa araw na ‘to eh hindi na din papapilahin kaya pumunta na sa kanya..may isa sa pila namin na may birthday….kaya naman habang lumapalit sya dun sa counter ni Mamang naka-barong kinakantahan namin sya ng happy birthday to you at niloloko sya nung Mama na magpapakain kasi sya sa lahat kaya may promo sa kanya. Tanong ng iba after nung birthday promo, ano pa daw ang meron? Or may iba pa bang promo? Habang nag-aabang kami, may music na masaya si Manong in Barong kaya ok naman ang waiting time. Wala na naman akong sense of time,napansin ko lang na lunch time na kasi nagsisibilihan na ang mga kasama ko sa pila ng food nila, sa portion daw na ‘to ng pilahan, pwedeng kumain, sa loob daw kasi dahil aircon at may mga computers, hindi na daw pwede…good thing “no lunch break policy” ang NBI kaya go lang ng go kahit lunch. Ako naman eh busog pa from may late breakfast kaya oks lang ako. Hindi ko na naman nabasa ang book ko kasi may katabi na naman akong machika, pero audience lang ako this time, sinasama lang nila ako sa kwentuhan by looking at smiling at parinig  ng kwento nila pero di naman ako umiimik at di din naman nila ako tinatanong (feeling ko kasi now, ma-di-drain na ako, pa-low bat na), yung isang girl naka-tudong she’s from Cotabato, OFW sa Saudi (Saudi ulit) mukha pa syang teenager and yet Nanay na sya, yung kausap naman nya lumaki na dito sa Luzon pero taga Maguindano ang Tatay nya, for employment locally naman ang clearance na kailangan nya. Kwentuhan yung nasa two sides ko then yung nasa likod ko at naririnig ko sila…para silang mga drama sa radio station….Kanikanyang kwento. Mabilis naman ang movement kaya after ilang upo, tayo at lakad eh eto na ako ngayon sa Step 2, checking ito ng forms na ni-fill upan namin, ang mga taga-check siempre pag matanda na, mabagal yung usad ng pila kasi mas mabilis yung mga mas batang nagchecheck kaya dito iba na naman ang mga kasabayan ko sa pilahan for payment, Step 3. Dahil lunch break may mga teller na nag-closed, like sa lalaki one teller lang ang andon, sila pa naman ang pinakamarami…kawawa naman…sa mga babae eh siguro may four na teller….andami, ang haba ng pila, nakatayo kami this time. Naiinis na ako dito nikukwestiyon ko na ang “no lunch break policy”…hindi naman ito no lunch break talaga, kasi nag-close na nga yung iba, dapat pag no lunch break policy merong reliever dun sa mga nag-break para hindi nababago ang service kahit pa nagla-lunch sila, hindi ba dapat ganun yun, mga attorney? Wala na din akong time mag-declare dito, sobra na akong low bat at naiinis sa system…naaawa ako lalo na’t nalaman kong ang renewal pala ng NBI clearance para sa mga iba eh 1-2 years….samantalang ako eh nung 1995 pa yung luma ko, now lang ang renewal….grabe! nag-a-ask ng ganito, nagpapabayad naman pero wala man lang inisip na paalwanin. Nakakalungkot lang!  Isa pang frustrating na hindi ko na din na-reactan eh nung nag-open yung isang teller, hindi man lang niya sinimulan dun sa tamang pila, basta na lang nagsabi sya na open na sya at kung sino yung andun sa pila next to her, hinarap lang sya at yun na…so ang suma total, nauna pa samin yung nahuli samin. Madami namang nagreklamo na kaya kayo na lang manita, at saka wala namang ginagawa ang mga opisyales, noted lang ang reklamo kaya sige…keber ko!

Pagkabayad ko, takbo na ako sa another pilahan, for the last stretch of my NBI battle….the Step 4 data encoding, ito na ang data encoding at biometrics. Ni-set ko ng uuwi lang ako after kong matapos dito at di na ako gagala kahit pa maaga akong matapos, feeling ko kasi pagod na pagod na ako. Hindi na ako nae-entertain ng mga kwentuhan at kahit chikahin ako eh isang tanong, isang sagot lang ako tho may isang katabi ko na I tried to be warm pa din sa pagsagot….

Katabi: Mag-a-abroad din ikaw?

Ako: iling lang

Katabi: Eh para san po ang clearance nyo?

Ako: sa trabaho ko dito, ikaw?

Katabi: sa Saudi

Ako: first time mo dun? Mukha pa kasi syang Nene kaya ni-assume kong ngayon lang sya mag-wo-work

Katabi: Oo

Ako: Kayong lahat, meron kasi syang kasamang tatlo pa

Katabi: Ah ako lang, hindi ko sila kasama, yung mga kasama ko andun na sa baba, tapos na, hinintay na lang ako

Ako: Ah

After ng usap namin, napaiyak ako…at nararamdaman kong kung hindi ko pipigilan, as in iiyak talaga ako nang derederetso…hagilap ko na nga ang bimpo ko sa bag. Nalulungkot ako for them…I’m actually saying…they are leaving the comforts of their home…then natawa ako sa reasoning ko kasi sabi ko wala naman talagang comforts kasi =P At alam kong umiiyak ang puso ko, puro OFW ang mga nakadaupang palad ko today at nalulungkot ako for them, wala naman silang kasiguraduhan ng maayos na buhay (sa Saudi pa yun, ibang iba ang culture) pero susuungin nila at dito palang sa sarili nilang Bayan, pinapahirapan na sila. Nakakaloka….I’m actually saying in my mind kanina “I wish I’m not a Filipino” or “I wish I’m rich.” Napu-frustrate ako! Naubusan ako ng positivity! At kahit na “no hits” ako at nakuha ko na ang clearance ko ng 3PM at ready na to go home…hindi pa din ako OK. Na-down ako, kasi antok na, gutom na, kanina pa na-wee-wee-wee at yun pa ang mga nakakwentuhan. CR ako after kong maiayos ang gamit ko, kaso sira ang CR sa 2^nd floor kaya pila na naman ako sa baba…para mag-CR kaya yun pinalitan ko na ang name ng NBI, NPA na sila “National Pilahan Administration. Pagka-exit ko ng NBI compound, I felt light, OK na ako…kaya nung makita ko ang Pancake House…naisip ko kagad ang lasa ng pancakes….yummy, treat ko sa sarili ko for being patient! Then nag-walk ako along Taft, magpicture-picture sana ako ng mga old buildings or any interesting things na makita ko kaso naalala ko baka manakawan pa akong cellphone kaya walk na lang….At pagdating ko sa terminal ng DLTB…chicken na ang pila, kapiraso lang, wala na bang iba pang sasakay…sige na papilahin na lahat, ang konti naman nitong pila….hahaha. At dahil nakaupo ako ng komportable, pagka-andar ni Manong driver, tulog na ako, gumising lang for Manong kunduktor then tulog na until SM Calamba. At sinilip ko ang dalawang nakatayo, hahaha yung Mama na kasama kong nakatayo kaninang umaga sa bus na nag-concert eh ayun ulit, nakatayo pa din kahit sa paguwi…Thank God for today! Your lessons for me today, I may not like it but thank you for the grace!

Ako

Affected as in =(